పాప బడిలో చేరింది
పలకా బలపం పట్టింది
'అ ఆ' లన్నీ నేర్చింది
'కఖా' లన్నీ దిద్దింది
మాటలు బాగా రాలేదు
ముక్కున కోపం పోలేదు
'పలకాబలపం' అనవే అంటే
'బలకం కలపా' అంటుంది
'రఘుపతిరామా' అని చెబితే
'లఘుపతి లామా' అంటుంది
గణపతి ముక్కుకు పేరేమంటే
టొండము టొండము అంటుంది.
బడిలో పిల్లలు విన్నారు
పక్కున అందరు నవ్వారు
పాపకు రోషం హెచ్చింది
కోపం ముంచుకు వచ్చింది.
-- గాలి ప్రభావతి
0 comments:
Post a Comment