-
సామెతలు...
తెలుగు సాహిత్యంలో సామెతల కేమీ కొదవ లేదు. నగర జీవి మరిచిపోయినా ఈ సామెతలు పల్లె జనం నోళ్లలో నేటికీ నానుతూ ఉన్నాయి. జంతువులు, చెట్లు, వ్యవసాయం..... ఇలా ఎన్నో విషయాల గురించి విలువైన సమాచారాన్ని సామెతల్లో నిక్షిప్తం చేశారు మన పూర్వీకులు. అటువంటి సామెతల నుంచి కొన్నిటిని ఇక్కడ ఇస్తున్నాం.
- గంగిగోవు పాలు గరిటడైన చాలు
- గంజి తాగేవానికి మీసాలు ఎగబట్టేవాడొకడన్నట్టు
- గంతకు తగ్గ బొంత
- గతి లేనమ్మకు గంజే పానకము
- గాజుల బేరం భోజనానికి సరి
- గాడిద కేమి తెలుసు గంధం చెక్కల వాసన
- గాడిద సంగీతానికి ఒంటె ఆశ్చర్యపోతే, ఒంటె అందానికి గాడిద మూర్చపోయిందట
- గారాబం గజ్జెలకేడిస్తే, వీపు గుద్దులకేడ్చిందంట
- గాలిలో దీపం పెట్టి దేవుడా నీదే భారం అన్నాట్ట
- గుండ్లు తేలి... బెండ్లు మునిగాయంటున్నాడట
- గుంపులో గోవిందా
- గుడ్డి కన్నా మెల్ల నయము కదా
- గుడ్డు వచ్చి పిల్లను వెక్కిరించినట్టు
- గుడ్డోడికి కుంటోడి సాయం
- గుడ్డెద్దు చేలో పడినట్లు
- గుమ్మడి కాయ దొంగ ఎవరంటే భుజాలు తడుముకున్నట్టు
- గురివింద గింజ తన నలుపెరగదంట
- గుర్రం కరుస్తుందని గాడిద వెనకాల దాక్కున్నాడట
- గుర్రం గుడ్డిదైనా దాణాకు తక్కువ లేదు
- గుర్రపు పిల్లకు గుగ్గిళ్ళు తినటం నేర్పాలా?
- గుర్రానికి మేతేస్తే ఆవు పాలిస్తుందా
- గూటిలో కప్ప పీకితే రాదు
- గొల్ల ముదిరి పిళ్ళ అయినట్లు
- గోటితో పోయేదానికి గొడ్డలెందుకు
- గోడకేసిన సున్నం
- గోతి కాడ నక్కలా
- గోరంత ఆలస్యం కొండొంత నష్టం
- గోరుచుట్టు మీద రోకటిపోటు
- గాడిదకు తెలియునా గంధం పొడి వాసన;పంది కేమి తెలియును పన్నిటి వాసన
-
సామెతలు...
తెలుగు సాహిత్యంలో సామెతల కేమీ కొదవ లేదు. నగర జీవి మరిచిపోయినా ఈ సామెతలు పల్లె జనం నోళ్లలో నేటికీ నానుతూ ఉన్నాయి. జంతువులు, చెట్లు, వ్యవసాయం..... ఇలా ఎన్నో విషయాల గురించి విలువైన సమాచారాన్ని సామెతల్లో నిక్షిప్తం చేశారు మన పూర్వీకులు. అటువంటి సామెతల నుంచి కొన్నిటిని ఇక్కడ ఇస్తున్నాం.
- కంచం, చెంబూ బయట పారేసి రాయి రప్ప లోపల వేసు కున్నట్లు
- కంచలమా కూడబెడితే మంచాలమ్మ మాయం చేసిందని
- కంచానికి ఒక్కడు - మంచానికి ఇద్దరు
- కంచి లో చేయబోయే దొంగతనానికి కాళహస్తి నుంచే వంగి నడిచినట్లు
- కంచు మ్రోగునట్లు కనకంబు మ్రోగునా?
- కంచె లేని చేను, తల్లి లేని బిడ్డ ఒక్కటే
- కంచేచేను మేసినట్లు
- కంటికి ఇంపైతే నోటికీ ఇంపే
- కంటికి రెప్ప కాలికి చెప్పు
- కంటికి రెప్ప దూరమా
- కండలేని వానికే గండం
- కందకి లేని దురద కత్తిపీటకెందుకు?
- కందకు లేదు చేమకు లేదు తోటకూరకెందుకు దురద
- కందెన వేయని బండికి కావలసినంత సంగీతం
- కంపలో పడ్డ గొడ్డు వలె
- కక్కిన కుక్క వద్దకూ కన్న కుక్క వద్దకూ కానివాణ్ణయినా పంపరాదు
- కక్కుర్తి మొగుడు పెళ్ళాం కడుపు నొప్పిబాధ ఎరుగడు
- కక్కొచ్చినా కళ్యాణ మొచ్చినా ఆగవు
- కట్టని నోరు కట్ట లేని నది ప్రమాద కరము
- కట్టుకున్నదానికి కట్టు బట్టల్లేవు కానీ, ఉంచుకున్నదానికి ఉన్ని బట్టలు కొంటానన్నాడట
- కట్టేవి కాషాయాలు - చేసేవి దొమ్మరి పనులు
- కడివెడు గుమ్మడికాయైనా కత్తిపీటకి లోకువే
- కడుపుతో ఉన్నామె కనక మానుతుందా
- కడుపులో లేనిది కౌగలించుకుంటే వస్తుందా?
- కడుపు చించుకుంటే కాళ్ళ మీద పడుతుంది
- కణత తలగడ కాదు. కల నిజం కాదు
- కన్ను పోయేంత కాటుక పెట్టదన్నట్లు...
- కన్నెర్రపడ్డా మిన్నెర్రపడ్డా కురవక తప్పదు
- కరవమంటే కప్పకి కోపం, విడవమంటే పాముకి కోపం
- కర్రలేని వాడిని గొర్రె కూడా కరుస్తుంది
- కలసి ఉంటే కలదు సుఖం
- కలిసొచ్చే కాలం వస్తే నడిచొచ్చే కొడుకు పుడతాడు
- కల్లు త్రాగిన కోతిలా
- కళ్ళు కావాలంటాయి కడుపు వద్దంటుంది
- కాకి పిల్ల కాకికి ముద్దు
- కాగల కార్యం గంధర్వులే తీర్చారు
- కాపురం చేసే కళ కాళ్ళ పారాణి దగ్గరే తెలుస్తుంది
- కార్చిచ్చుకు గాడ్పు తోడైనట్లు
- కాలు కాలిన పిల్లిలా
- కాలం కలిసి రాకపోతే కర్రే పామవుతుంది
- కాలం కలిసి వస్తే ఏట్లో వేసినా ఎదురు వస్తుంది
- కాళ్లకు రాచుకుంటే కళ్లకు చలువ
- కాసుకు గతిలేదుకానీ... నూటికి ఫరవాలేదన్నట్లు
- కాసే చెట్టుకే రాళ్ల దెబ్బలు
- 'కురూపీ, కురూపీ ఎందుకు పుట్టేవే?' అంటే 'స్వరూపాలెంచటానికి అందిట.
- కుంచెడు గింజల కూలికి పోతే.. తూమెడు గింజలు దూడమేసినట్లు
- కుండలో కూడు కుండలోనుండవలె, పిల్లలు చూడ గుండులవలెనుండవలె
- కుక్క కాటుకి చెప్పు దెబ్బ
- కుక్క కి చెప్పు తీపి తెలుసు కానీ ...చెరకు తీపి తెలుస్తుందా
- కుక్క తోక పట్టి గోదారి దాటాలనుకొన్నట్లు
- కుక్కతోక వంకరన్నట్లు...!
- కుప్ప తగులపెట్టి.. పేలాలు ఏరుకుతిన్నట్లు...
- కూటికి లేకున్నా కాటుక మాననట్లు
- కూడూ గుడ్డా అడక్కపోతే బిడ్డను సాకినట్లు సాకుతా అన్నాడట
- కూనను పెంచితే గుండై కరవ వచ్చినట్లు
- కూర్చుని తింటే, కొండలైనా తరిగిపోతాయి
- కూసే గాడిద వచ్చి మేసే గాడిదని చెడగొట్టినట్లు
- కొండ నాలుకకు మందు వేస్తే ఉన్న నాలుక ఊడినట్టు
- కొండను త్రవ్వి ఎలుకను పట్టినట్లు
- కొండముచ్చు పెండ్లికి కోతి పేరంటాలు
- కొడితె కొట్టాడులే కానీ కొత్తకోక తెచ్చాడులే అందిట
- కొత్త బిచ్చగాడు పొద్దు ఎరగడు
- కొత్త పెళ్ళి కొడుకు పొద్దు ఎరగడు
- కొత్తల్లుడిని మేపినట్లు మేపుతున్నారు
- కొన్నది వంకాయ కొసరింది గుమ్మడి కాయ అన్నట్లు..
- కోరి కొరివితో తల గోక్కున్నట్టు
- కోటి విద్యలు కూటి కొరకే
- కోడలికి బుధ్ధి చెప్పి అత్త తెడ్డి నాకింది
- కోడిగుడ్డు మీద ఈకలు పీకే రకం
- కోల ఆడితేనే కోతి ఆడుతుందన్నట్లు
- కోస్తే తెగదు కొడితే పగలదు
- క్రింద పడ్డా నాదే పైచేయి అన్నాడంట
- కల్ల పసిడికి కాంతి మెండు
-
- సామెతలు...
తెలుగు సాహిత్యంలో సామెతల కేమీ కొదవ లేదు. నగర జీవి మరిచిపోయినా ఈ సామెతలు పల్లె జనం నోళ్లలో నేటికీ నానుతూ ఉన్నాయి. జంతువులు, చెట్లు, వ్యవసాయం..... ఇలా ఎన్నో విషయాల గురించి విలువైన సమాచారాన్ని సామెతల్లో నిక్షిప్తం చేశారు మన పూర్వీకులు. అటువంటి సామెతల నుంచి కొన్నిటిని ఇక్కడ ఇస్తున్నాం.
- ఇంట గెలిచి రచ్చ గెలవమన్నట్లు
- ఇంటి దొంగను ఈశ్వరుడు కూడా పట్టలేడు
- ఇంటికన్నా గుడి పదిలం
- ఇంటికి ఇత్తడి పురుగుకు పుత్తడి
- ఇంట్లో ఈగల మోత, వీధిలో పల్లకీల మోత
- ఇంట్లో పిల్లి వీధిలో పులి
- ఇంట్లో రామయ్య, వీధిలో కృష్ణయ్య
- ఇంత బతుకు బతికి ఇంటెనకాల చచ్చినట్టు
- ఇద్దరు ముద్దు ఆపై వద్దు
- ఇద్దరే సత్పురుషులు, ఒకడు పుట్టనివాడు, ఇంకొకడు గిట్టినవాడు
- ఇరుపోటీలతోటి ఇల్లు చెడె, పాత నొప్పులతోటి ఒళ్ళు చెడె
- ఇల్లలకగానే పండగకాదు
- ఇల్లలుకుతూ పేరు మర్చిపోయినట్లు
- ఇల్లు ఇచ్చినవాడికి, మజ్జిగ పోసినవాడికి మంచిలేదు
- ఇల్లు ఇరుకుగా ఉండాలి, పెళ్ళాం ఛ0ఢాలంగా ఉండాలి
- ఇల్లు కాలి ఒకడు ఏడుస్తుంటే,వల్ల కాలేదని ఒకడు ఏడ్చాడంట
- ఇల్లు కాలి ఒకరు ఏడుస్తుంటే ఏదో కావాలని ఎవడో ఏడ్చాడట
- ఇల్లుకాలి ఒకడేడుస్తుంటే, చుట్టకి నిప్పు అడిగాడంటొకడు
- ఇల్లు ఇరకాటం ఆలి మర్కటం
- ఇల్లు పీకి పందిరి వేసినట్లు
- ఇసుక తక్కెడ పేడ తక్కెడ
- ఇల్లలకగానే పండగ కాదు
- ఇంటి ముందు ములగ చెట్టు వెనుక వేప చెట్టు ఉండరాదు
-
దాదాపు శతాబ్దం క్రితం నుంచి ముద్రితమవుతున్న ఆక్స్ఫర్డ్ డిక్షనరీలు ఇక నుంచి ఆన్లైన్లో మాత్రమే లభ్యం కానున్నాయా? మారుతున్న పరిస్థితులు చూస్తుంటే అలాగే అనిపిస్తోంది. ఆన్లైన్ వెర్షన్కు గిరాకీ విపరీతంగా పెరగడం వల్ల పుస్తక రూపంలో ఉన్న నిఘంటువులకు ఆదరణ తగ్గిందని ఆక్స్ఫర్డ్ ప్రెస్ తెలిపింది. తాజా ఎడిషన్కు సవరణలు చేసి, మళ్లీ మార్కెట్లోకి తీసుకురావడానికి మరికొన్నేళ్లు పడుతుందని, అప్పటికి పుస్తక రూపంలో ఉన్న నిఘంటువులకు ఆదరణ ఉండడం ప్రశ్నార్థకమేనని ప్రచురణకర్తలు భావిస్తున్నారు. ప్రచురణ సమయంలో గిరాకీ ఉంటేనే పుస్తక రూపంలో నిఘంటువును తెచ్చే అంశాన్ని పరిశీలిస్తామని ఆక్స్ఫర్డ్ యూనివర్సిటీ ప్రెస్ చీఫ్ ఎగ్జిక్యూటివ్ నిగెల్ పోర్ట్వుడ్ తెలిపారు. ''ఆక్స్ఫర్డ్ ఆన్లైన్ డిక్షనరీని ప్రతినెలా 20 లక్షల మంది వినియోగదారులు సందర్శిస్తున్నారు. ప్రింట్ రూపంలో ఉన్న నిఘంటువుకు మార్కెట్ తగ్గిపోతోంది.''అని నిగెల్ పోర్ట్వుడ్ పేర్కొన్నారు.
-
8,00,000 సంవత్సరాల క్రితం ఆది మానవుడు నరమాంస భక్షణ చేశాడని, పిల్లలను చంపి తినే స్థాయి నుంచి ఇప్పటి నాగరికుడిగా మారాడని శాస్త్రజ్ఞులు తేల్చారు. ఆది మానవులు పిల్లలను తినేవారని తాజా తవ్వకాల్లో బయటపడింది. ఇటీవల స్పెయిన్లోని గుహల్లో జం తువుల అవశేషాల్లో పిల్లల ఎముకలు కూడా కనిపించాయి. అవి జంతువులు తిని వదిలేసిన పిల్లల శరీరాల ఎముకల్లాగా లేవని పరిశోధకుల అంచనా. జంతువులు, పిల్లల ఎముకలపై ఆనాటి రాళ్లతో చేసిన ఆయుధాలతో గాయపరచగా ఏర్పడిన గుర్తులున్నాయి. పిల్లల పుర్రెల కింది భాగంలో కూడా మనుషులు లోప లి భాగాన్ని తీసి తిన్నట్లుగా గాయాల గుర్తులున్నాయి. ఆది మానవులు జంతువులతో పాటు పిల్లలను కూడా ఆహారంగా తీ సుకునే వారని పరిశోధకుల విశ్లేషణ.
-
విశ్వాన్ని దేవుడు సృష్టించలేదని, భౌతిక శాస్త్ర సూత్రాల ఫలితంగానే మహా విస్ఫోటనం (బిగ్ బ్యాంగ్) సంభవించిందని ప్రఖ్యాత శాస్త్రవేత్త స్టీఫెన్ హాకింగ్ 'ద గ్రాండ్ డిజైన్' అనే తన కొత్త పుస్తకంలో పేర్కొన్నారు. 'ద గ్రాండ్ డిజైన్' పుస్తకం విడుదలకు సిద్ధంగా ఉంది. అమెరికాకు చెందిన భౌతికశాస్త్రవేత్త లియోనార్డ్ మ్లోడినౌతో కలిసి ఆయన ఈ పుస్తకాన్ని రచించారు. విశ్వానికి సృష్టికర్త ఉన్నాడనే నమ్మకాన్ని కొత్త విజ్ఞాన సూత్రాలు పనికిరానిదిగా తేల్చాయని తన కొత్త పుస్తకంలో పేర్కొన్నారు. ''భూమ్యాకర్షణ సూత్రం ప్రకారం ఏమీలేని స్థితి నుంచి విశ్వం స్వయంగా తనకు తానుగా సృష్టించుకుంటుంది. అందువల్లే విశ్వం, మానవుల ఉనికి ఇంకా కొనసాగుతోంది'' అని హాకింగ్ అభిప్రాయపడ్డారు. సూర్యుడిచుట్టూ కాకుండా మరో నక్షత్రంచుట్టూ ఒక గ్రహం తిరుగుతున్నట్టు 1992లో బయటపడిందని.. ఇది అస్తవ్యస్త స్థితి నుంచి విశ్వం పుట్టుకురాలేదని, దేవుడు సృష్టించాడనే న్యూటన్ అభిప్రాయం నిజం కాదని తెలుసుకోవటానికి తోడ్పడిందని వివరించారు.
-
'మా తుఝే సలాం' పాటను 265 భాషలలో పాడి మానా ప్రగడ సాయి గిన్నిస్ రికార్డును సొంతం చేసుకున్నాడు. ఈ ఏడాది మే 16న శాన్హూసేన్లోని మేఫేయిర్ కమ్యూనిటీ సెంటర్లో నిర్వహించిన కార్యక్రమంలో ఆస్కార్ విజేత రహమాన్ స్వరపరచిన 'మా తుఝే సలాం' పాటను 265 భాషలో పాడి రికార్డు సృష్టించాడు. దీనితో గిన్నిస్ నిర్వాహకులు ఆయన పేరుని రికార్డుల్లోకి ఎక్కించారు. గిన్నిస్ నిర్వాహకులు ఇచ్చిన ప్రశంసా పత్రాన్ని ఇటీవల ఓ కార్యక్రమంలో బాలీవుడ్ నటుడు అఫ్తాబ్ శివదాసాని చేతుల మీదుగా అందుకున్నాడు. మాన ప్రగడ నరసింహ మూర్తి కుమారుడు సాయి.
-
పండ్లు, కూరగాయల్లో ఎన్నో రకాల జీవక్రియాశీల సమ్మేళనాలు ఉంటాయని, వీటిని నిర్ణీత మోతాదుల్లోనే కాదు వివిధ రకాలకు చెందినవి తీసుకోవటమూ ముఖ్యమేనని నెదర్లాండ్స్లోని నేషనల్ ఇన్స్టిట్యూట్ ఫర్ పబ్లిక్హెల్త్ పరిశోధకులు వెల్లడించారు. ప్రతి రోజూ పండ్లను తినటం వలన ఆరోగ్యానికి అన్ని విధాలుగా మంచి జరుగుతుందని వారు అంటున్నారు.
పొగ తాగేవారు వివిధ రకాల పండ్లు, కూరగాయలు తింటే ఊపిరితిత్తుల క్యాన్సర్ ముప్పు తగ్గుతుందని వారు చేసిన అధ్యయనంలో వెల్లడైంది. అయితే క్యాన్సర్ రాకుండా ఉండాలంటే పొగ తాగటం మానెయ్యటమే అన్నింటికన్నా ఉత్తమమైన మార్గమని నేషనల్ ఇన్స్టిట్యూట్ ఫర్ పబ్లిక్హెల్త్ పరిశోధకులు సూచిస్తున్నారు.
-
సెకనుకు వెయ్యి ట్రిలియన్ల లెక్కలు నిర్వహించగల సామర్థ్యం ఉన్న సూపర్ కంప్యూటర్ ను చైనా రూపొందించింది. చైనాలోని రక్షణ సాంకేతిక పరిజ్ఞానం జాతీయ విశ్వవిద్యాలయం ఈ కంప్యూటర్ను గత ఏడాది రూపొందించింది.
స్వదేశీ పరిజ్ఞానంతో చైనా రూపొందించిన ఈ సూపర్ కంప్యూటర్ 'తియాన్హి-1' కు సెకనుకు వెయ్యి ట్రిలియన్ల (ట్రిలియన్ అంటే లక్షకోట్లు) లెక్కలు నిర్వహించగలదు. మరో మాటలో చెప్పాలంటే.. 130 కోట్ల మంది వరుసగా 88 ఏళ్లపాటు చేసే పనిని ఈ కంప్యూటర్ ఒక్క సెకనులో పూర్తి చేస్తుంది. అత్యాధునిక సీపీయూ చిప్లను కలిగి ఉండటం ద్వారా తియాన్హి-1కి ఈ సామర్థ్యం సమకూరింది. యానిమేషన్, జీవవైద్యపరిశోధన, రోదసి ప్రయోగాలకు అవసరమైన పరికరాల తయారీ, వనరుల గుర్తింపు, వాతావరణ అధ్యయనం, ఆర్థిక కార్యకలాపాలు, కొత్త పదార్థాల తయారీ వంటి పనుల్లో తియాన్హి-1ని ఉపయోగించాలని చైనా భావిస్తోంది.
-
ఏప్రిల్ 1 నుంచి దేశవ్యాప్తంగా అమల్లోకి వచ్చిన విద్యాహక్కు చట్టం అమలులో పాఠశాల విద్యాశాఖ అలసత్వాన్ని ప్రదర్శిస్తోంది. కేంద్రం పంపిన ముసాయిదా ప్రకారం విద్యాశాఖ అధికారులు నిబంధనలను రూపొందించారు. వీటిపై ప్రజల నుంచి అభిప్రాయాల సేకరణ జూన్ 30తో ముగియగా మరో 15 రోజులు గడువు పెంచారు. ఇది ముగిసి నెలన్నరైనా అధికారిక నిబంధనల ఉత్తర్వులు ఇంకా వెలువడలేదు. ఈ నిబంధనలు రూపొందితేనే విద్యా హక్కు చట్టంపై స్పష్టత వస్తుంది. ఈ చట్టం ప్రకారం ప్రాథమిక పాఠశాలల్లో 30 మంది విద్యార్థులకు ఒకరిని, ప్రాథమికోన్నత పాఠశాలల్లో 35 మంది విద్యార్థులకు ఒకరిని చొప్పున ఉపాధ్యాయులను నియమించాలి. ఇందుకు సంబంధించిన ప్రక్రియ ఇంతవరకు మొదలుకాలేదు.
విద్యాహక్కు చట్టం ప్రకారం రాష్ట్ర బాలల హక్కుల రక్షణ కమిటీ ఏర్పడాలి. ఈ కమిటీలో హైకోర్టు న్యాయమూర్తి లేదా పేరొందిన సత్సమాన విద్యావేత్త ఛైర్పర్సన్గా ఉండాలి. సభ్యులుగా వివిధ రంగాల్లో నిపుణులై ఉండాలి. దీనికి ఆలస్యం జరిగే పక్షంలో 'రైట్ టూ ఎడ్యుకేషన్ ప్రొటెక్షన్ అథార్టీ' ఏర్పడాలి. దీనికి పైవిధంగా నియామకాలు జరగాలి. ఇది కూడా ఇంకా అమలుకు నోచుకోలేదు.
విద్యాహక్కు చట్టం ప్రకారం ప్రవేశాల సమయంలో విద్యార్థులకు ప్రవేశపరీక్ష పెట్టకూడదు. డొనేషన్లను స్వీకరించకూడదు. ఈ మేరకు విద్యాశాఖ ఉత్తర్వులు జారీచేసింది. ఈ చట్టం ఏప్రిల్ నుంచి అమల్లోకి వచ్చినా నిబంధనలతో నిమిత్తంలేకుండానే అధికారుల కళ్లేదుటే, ఎప్పటిలాగే ఈ ఏడాదీ ప్రవేశాలు జరిగాయి. మరోవైపు గుర్తింపు పొందిన ప్రైవేటు పాఠశాలల్లో ఒకటో తరగతిలో చేరే బలహీనవర్గాల విద్యార్థులకు 25% సీట్లను కేటాయించాలి. అందుకు అవసరమైన రుసుమును ప్రభుత్వం చెల్లించాలి. ఇదీ కార్యరూపం దాల్చలేదు.
-
రసాయనిక ఎరువులు, పురుగు మందులు లేకుండా పండించినవి ఆరోగ్యానికి మంచివన్నది మనకు తెలిసిందే. కూరగాయలు, పండ్ల వంటి వాటిలో ఉండే పురుగుమందుల అవశేషాలు కలిగించే దుష్పరిణామాల కారణంగా ఎంతోమంది ఇప్పుడు వీటిని వినియోగిస్తున్నారు. అయితే ఇది కేవలం కూరగాయలు, పండ్లకే కాదు, పాలకు కూడా వర్తిస్తుంది. వివిధ పదార్థాలతో తయారుచేసిన దాణా కన్నా పచ్చగడ్డి తినే గేదెలు, ఆవుల పాలు గుండెకు ఎంతో మేలు చేస్తాయని శాస్త్రవేత్తలు చెబుతున్నారు. ఇందులో అసంతృప్త కొవ్వు 5 రెట్లు అధికంగా ఉంటుందని అధ్యయనాల్లో తేలింది. ఇది బరువు తగ్గటానికీ తోడ్పడుతుంది. అమెరికాలోని హార్వర్డ్ స్కూల్ ఆఫ్ పబ్లిక్హెల్త్కి చెందిన హానియా కాంపోస్ ఇటీవల మనుషులపై చేసిన అధ్యయనంలో ఈ సంగతి రుజువైంది. పాలల్లో ఉండే సంతృప్త కొవ్వు మూలంగా తలెత్తే దుష్పరిణామాలను చాలావరకు అణచివేసి గుండె ఆరోగ్యానికి రక్షగా నిలుస్తుందని కాంపోస్ అంటున్నారు. ఈ అసంతృప్త కొవ్వు గేదె పాలలో కన్నా ఆవు పాలల్లోనే అధికంగా ఉంటుందిట. అంటే ఆవులు పచ్చగడ్డి తినటమే మన ఆరోగ్యానికి మంచిదన్నమాట.