Flash News
Powered by Blogger.

Popular Posts

Blog Archive

Popular Posts

Bala Chelimi

Editor:
Manikonda Veda Kumar

Executive Editor:

Gali Udaya Kumar
---- ----
Bala Chelimi
Chandram, 490, Street No.11,
Himayat Nagar, Hyderabad 500 029
www.balachelimi.com
Mail Instagram Pinterest RSS

భిన్న సంస్కృతులు

మనచుట్టూ ఉన్న ప్రపంచం ఎంతో విశాలమైంది. ఈ ప్రపంచం - అంటే ఈ భూమి అంతటా  ఒకే విధంగా లేదు. కొన్ని చోట్ల సారవంతమైన మైదానాలున్నాయి. మరికొన్ని చోట్ల చండ్ర నిప్పులు కక్కే ఎడారులున్నాయి. అలాగే మంచు ఖండాలున్నాయి. ఈ విధంగా భూమి ఉపరితలం, మనకు ఒక్కో చోట ఒక్కో విధంగా కనిపిస్తుంది. అంతే కాదు దేశదేశాల శీతోష్ణస్థితులకి, వాతావరణానికి, సహజ వనరులకి మధ్య కూడా ఎంతో వ్యత్యాసముంది.
కేవలం భౌగోళిక పరిస్థితులలోనే కాదు, మానవ జీవన విధానంలో కూడా ఎన్నో భిన్నరీతులు ఉన్నాయి. మన చుట్టూ రకరకాల ప్రజలు ఉన్నారు. అనేక సంస్కృతులు ఉన్నాయి. పలు భాషలతో, రకరకాలయిన దుస్తులతో, ఆహార సంపాదనా విధానాలతో, ఆచార వ్యవహారాలతో, నమ్మకాలతో, చికిత్సా విధానాలతో, వివాహ పద్ధతులతో నిండివున్న ఈ మానవ సమాజం, రకరకాల రంగు రంగుల అల్లికలతో కూడిన అందమైన వస్త్రంలా కనిపిస్తుంది. నవీన ప్రయాణ సాధనాల వల్ల ఈ సువిశాల ప్రపంచం రోజు రోజుకి చిన్నదయి పోతోంది. అందువల్లే ఈ భిన్న సంస్కృతులు ఒక దాని ప్రభావానికి మరొకటి లోనవుతున్నాయి. ఇలా దగ్గర అవుతున్న భిన్న సంస్కృతులలో గల తారతమ్యాలను ఒక శాస్త్రీయ ధృక్పథంతో అవగాహన చేసుకోవలసిన ఆవశ్యకత ఎంతగానో ఉంది.
చరిత్ర అడుగుపుటల్లోకి పోతే మానవ సమాజం ఏవిధంగా మారిపోతూందో మనకు విశదమవుతుంది. ఎన్నో కొత్త జాతులు ఆవిర్భవించాయి.కొన్ని ప్రాంతాలలో ఆర్ధిక పరిస్థితులు మెరగయ్యాయి. మరికొన్ని ప్రాంతాలలో అవి క్షీణించాయి. ఒకనాడు ఎంతో అభివృద్ధి దశలో ఉన్న సమాజాలు ఈనాడు వెనకబడి ఉన్నాయి. గతంలో అనాగరిక సమాజాలుగా భావించిన సమాజాలు  ఈనాడు అన్ని రంగాల్లో పురోగమిస్తున్నాయి. ఎన్నో సమాజాలలో తలెత్తిన విప్లవాలు, ప్రపంచ పటం రూపు రేఖలను మార్చి వేశాయి. ఫలితంగా కొన్ని జాతుల విలీనం జరిగింది. అంతే కాదు. గతంలో  మునుపెన్నడూ ఊహించని స్థితిలో బీభత్సాలు, మారణ హోమాలు జరిగాయి. ఈ నూతన పరిణామాలు అనేక జాతుల, తెగల సంస్కృతులను కుదిపి వేశాయి. ఈ భిన్న సంస్కృతుల్ని గురించి తెలుసుకోవడం మనిషి మనుగడకు ఎంతో అవసరం.
వివిధ తెగల్ని గురించి, వారి సంస్కృతుల్ని గురించి తెలుసుకోవాలనే కుతూహలం మనిషిలో ఏనాటి నుంచో ఉంది. ఈ శతాబ్ధంలో ఆ కుతూహలం మరింత ఎక్కువ అయింది. ఇతర సంస్కృతుల పట్ల మనకు సరియైన అవగాహన లేకపోతే మనకు విచిత్రంగా కనిపించే మనుషులను సమాజాలను మనం తక్కువగా అంచనావేసి, ఆ మనుషులను ఆటవికులని, ఆ సమాజాలు అనాగరిక సమాజాలని ఒక తప్పుడు అభిప్రాయానికి వచ్చే ప్రమాదముంది. ఇది నూటికి నూరుపాళ్ళు తప్పుడు అభిప్రాయమే. మనకు విచిత్రంగా కనిపించే ఈ మనుషులు వేలాది సంవత్సరాలనుంచి తమ పరిసరాలతో కలిసిపోయి హాయిగా జీవిస్తున్నారు. నవనాగరికుల మనుకొంటున్న మనం మన పరిసరాలను, వనరులను విచక్షణా రహితంగా నాశనం చేస్తూ, భావితరాలకి చీకటిని మిగులుస్తున్నాము.
ఇప్పుడు కాలచక్రాన్ని వెనక్కి తిప్పి, మన జీవిత విధానాన్ని మార్చుకోవడం ఎంత మాత్రం వీలు కాని పని. అయితే వేలాది సంవత్సరాల నుంచి ప్రకృతితో పరిసరాలతో కలిసిపోయేలా, తమ సాంఘిక ఆర్ధిక జీవన సరళిని తీర్చిదిద్దుకున్న వివిధ తెగల గురించి తెలుసుకోవడం వల్ల మనకు కనువిప్పు కలుగుతుంది. తమ ప్రత్యేక సంస్కృతుల వారసత్వాన్ని పుణికి పుచ్చుకుని జీవిస్తున్న అయిదు వందల తెగలు ఈ భూమి మీద జీవిస్తున్నాయి. సామాజిక జీవితాన్ని అనేక విధాలుగా మలుచుకోవచ్చునని, ప్రతీ తరహా జీవన విధానంలో కూడా వ్యక్తి వికాసం, తృప్తి, ఆనందం యిమిడివున్నాయని- ఈ తెగల్ని గురించిన అధ్యయనం వల్ల మనకు తేటతెల్లమవుతుంది. అందువల్ల మన జాతి, మన తెగ, మన జీవిత విధానం మిగతా జాతుల, తెగల, జీవన విధానాల కంటె గొప్పదనే చెడు అభిప్రాయం తుడిచి పెట్టుకు పోతుంది. దానితో అన్ని జాతుల పట్ల, తెగలపట్ల సమభావం, గౌరవం పెరుగుతాయి.
ఈ సమభావాన్ని, గౌరవాన్ని 'బాలచెలిమి', పాఠకులలో నెలకొల్పి వాటిని పెంచి పెద్ద చేయడానికి వీలుగా 'బాలచెలిమి' ఒక తెగ యొక్క జీవనవిధానాన్ని అన్ని కోణాలనుంచీ తన పాఠకులకు అందివ్వాలనుకుంటోంది. ఇది 'బాలచెలిమి' పాఠకులలో అన్ని జాతుల పట్ల, తెగలపట్ల ఒక శాస్త్రీయ సద్భావనకు అంకురార్పణ చేస్తుందని ఆశిస్తున్నాం.

0 comments:

Post a Comment