2015 నాటికి చైనా జనాభా 139 కోట్లు
చైనా జనాభా అంతకంతకూ పెరిగి రాబోయే ఐదేళ్లనాటికి 139 కోట్లకు చేరుతుందని తాజా అధ్యయనంలో తేలింది. పెరుగుతున్న పట్టణ జనాభానే దీనికి కారణం. ఆశ్చర్యకరంగా మొదటిసారిగా గ్రామ జనాభాలో తగ్గుదల కనిపిస్తోంది. 2015 ముగిసేసరికి దేశ జనాభా 139 కోట్లకు చేరుతుందని, వీరిలో60 ఏళ్లకు మించి వయసున్న వారి సంఖ్య 20 కోట్లకుపైగా ఉంటుందని చైనాలోని ప్రధాన జనాభా సేకరణ సంస్థ తెలిపింది. చైనా అధికారిక లెక్కల ప్రకారం 2008లో ఆ దేశ జనాభా 132 కోట్లు. జనాభాకు అడ్డుకట్ట వేయడానికి చైనా 1970ల్లో 'ఒక్కరు చాలు' విధానాన్ని ప్రవేశపెట్టింది. దీన్ని కఠినంగా అమలుచేయడం ద్వారా 1949-1978తో పోలిస్తే 1978-2008 మధ్య చైనాలో 40% తక్కువ పెరుగుదల నమోదైంది.